Hjalti

Hjalti Halldórsson (f. 1980) er grunnskólakennari og rithöfundur sem lærði einu sinni sagnfræði.

Í gamla daga lenti Hjalti stundum í því, alveg óvart að láta nemendur sína afvegaleiða sig og byrja að segja sögur. Þá gat hann látið dæluna ganga tímunum saman þar til annað hvort bjallan hringdi eða nemendur bentu honum á að þetta væri orðið gott og tími til kominn að fara að læra eitthvað. Þess vegna ákvað Hjalti að skrifa frekar sögurnar niður og nýta tímann betur í skólastofunni. Og hann hefur staðið við það… svona oftast nær… alla vega stundum.

Bækurnar hans Hjalta heita Af hverju ég? (2017), Draumurinn (2018), Ys og þys út af ÖLLU! (2019) og Græna geimveran (2020). Lesa má meira um þær með því að smella hér.

Bækurnar hefði hann ekki getað skrifað án strákanna sinna tveggja sem segja honum þó líka af og til að það sé komið gott af sögurausi og tími til kominn að fara út í fótbolta.